O recuncho do PHP

As propiedades dunha clase gardan o estado e as características do obxeto. En realidade son variables que gardan valores: e poden ser públicas, protexidas ou privadas, estáticas ou dinámicas e incluso constantes.

Para definir unha propiedade o primeiro que hai que indicar será a súa visibilidade (public, protected ou private), e no caso de que non se indique entenderase que é publica (public). Definir unha propiedade como pública significa que é visible dende fora da propia clase, é dicir, que cando instanciemos un obxeto, podemos acceder directamente a esa propiedade. Se se define como protexida (protected), esa propiedade é accesible só dende dentro da propia clase, e dende outras clases que herden, é dicir, non podemos acceder directamente a esa propiedade cando instanciemos un obxeto, pero si poden acceder métodos dese obxeto ou doutros obxetos que sexan de clases que herdaron da anterior.

Despois da visibilidade vai se a propiedade é estática ou non (que se define coa palabra reservada static no caso de que sexa estática e sen poñer nada noutro caso). Que sexa estática significa que comparte valor para todos os obxetos desa clase, é dicir, que se se modifica o seu valor nun obxeto instancia desa clase, modificase o seu valor nos outros obxetos instancia desa mesma clase.

Despois de se é estática ou non, vai o nome da propiedade, que se define coas mesmas regras que as de definición das variables.

E opcionalmente, por último, se ten asignado un valor inicial, asígnaselle, co operador de asignación igual seguido do valor. Recordar que só se poden asignar valores constantes (de tipos escalares ou arrays) á propiedades na súa definición. Non se poden asignar nin variables, nin métodos de clases, nin funcións.

class unhaClase {
    public $propiedade1 ;
    protected static $propiedade2;
    private $propiedade3 = 5;
    public $propiedade4 = "cadea";
    protected $propiedade5 = TRUE;
}

Coas propiedades non se pode empregar o modificar final (so se pode empregar con métodos e clases).

Para empregar unha clase (para empregar ese molde) temos que instanciar un obxeto de dita clase (empregar o molde para facer un obxeto con ese molde). Para instanciar un obxeto emprégase a palabra reserva new seguida do nome da clase e os parámetros que se pasen ao constructor de dita clase (se os ten). new devolve unha referencia a un obxeto da clase instanciada, que poderemos gardar nunha variable.

  $obxeto = new unhaClase();

Recordar que en PHP5 os obxetos, a diferenza doutros tipos de datos, empréganse por referencia, o que quere decir, que si asignamos este obxeto a outra varibale, en troques de facerse unha copia do dato, e gardala na nova variable, a nova variable apuntará ao mesmo dato (neste caso un obxeto) que a máis antiga.

 $obxeto1 = new unhaClase();
 $obxeto2 = $obxeto1; //Os dous obxetos son o mesmo, e cambios nunha variable afectan á outra.

Unha clase é como o molde co que se crearán posteriormente os obxetos a empregar no código do script. Ese molde consta dun nome, unha serie de propiedades, e dunha serie de métodos. A definición da clase faise empregadno a palabra reservas class seguida do nome da clase e entre chaves as propiedades e os métodos desa clase.

class unhaClase {
    public $propiedade1;
    protected $propiedade2 = 0;

    public function metodo1() {
      // Codigo do método
    }
    public function metodo2($parametro) {
      // Codigo do método
    }
}

As clases non levan modificadores de visibilidade nua súa definición, e dicir, non se pode poñer antes da palabra class nen public, nen protected, nen private, son todas públicas.

Máis información na axuda oficial: http://www.php.net/manual/es/language.oop5.basic.php

As direcións web (URL) non aceptan espazos no seu interior, polo que se queremos enviar por GET , datos que teñan espazos no seu contido, temos que ter en conta este detalle.

Se é o formulario o que manda a información por GET sen a nosa intervención, xa se encarga de convertir os espazos nun símbolo axeitado para resolver este problema, pero se somos nos os que construimos a direción no código PHP, podemos empregar a función urlencode para codificar os espazos e outros símbolos que poidan dar problemas de xeito que se poidan enviar na direción web.

  $datos="Esta é unha cadea de proba";
  echo "http://www.servidorPHP.com/paxina.php?datos=" . urlencode($datos);

Para poder enviar arquivos entre os datos que dende un formulario HTML se envían ao servidor web, compre facer algun cambio no formulario e ter en consideración varias cousas na parte PHP.

<form enctype="multipart/form-data" action="paxina2.php" method="post">
  <input type="hidden" name="MAX_FILE_SIZE" value="50000" />
  <input type="file" name="ficheiro" />
  <input type="submit" value="Enviar arquivo" />
</form>

Na páxina escrita en PHP, os datos do arquivo NON están na matriz superglobal $_POST, senon na matriz $_FILES, nun elemento con índice igual ao atributo name do campo do formulario HTML onde se seleccionou o arquivo. Ese elemento en $_FILES é de novo un array que contén os seguintes elementos:

Cando o arquivo esté subido á carpeta temporal do servidor, e se fixeran as comprobacións de tipo de arquivo, tamaño, …, que se consideren oportunas, pódese mover a ubicación definitiva coa instrucción move_uploaded_file que verifica antes de copiar o arquivo ao seu destino definitivo que é un arquivo que foi subido. Tamén se pode empregar is_uploaded_file() para comprobar se o arquivo xa está subido á ubicación temporal.

move_uploaded_file($_FILES['ficheiro']['tmp_name'], "ruta_completa_destino_definitivo");

Máis información na axuda oficial: http://es.php.net/manual/es/features.file-upload.php

Nas listas (select) pódense seleccionar varias das opcións (varios valores para un campo SELECT) se dito campo foi creado como de selección multiple (se ten o atributo multiple). Nese caso, os valores das opcións seleccionadas na lista recuperase dende PHP accedendo ao array de elementos do elemento de nome igual ao atributo name do campo SELECT do formulario HTML (e dicir, no elemento de nome igual ao campo do formulario HTML no array superglobal, en lugar de atopar un valor, atopamos un array cos distintos valores, máis de un, seleccionados).

<form method="GET" action="paxina2.php">
<select name="lista[]" multiple="multiple"  size="1">
<option value="valor1">Opcion 1</option>
<option value="valor2">Opcion 2</option>
<option value="valor3">Opcion 3</option>
</select>
</form>

 foreach ($_GET['lista'] as $elemento)
            echo $elemento;

Hai que ter en conta:

Imos ver que hai que ter en conta á hora de recuperar campos dun formulario dende PHP, segundo o tipo de campo:

<form method="GET" action="paxina2.php">
<input type="text" name="nome_campo">
</form>

 echo $_GET['nome_campo'];

<form method="GET" action="paxina2.php">
<input type="radio" name="nome_campo" value="valor1">Opcion 1
<input type="radio" name="nome_campo" value="valor2">Opcion 2
<input type="radio" name="nome_campo" value="valor3">Opcion 3
</form>

 echo $_GET['nome_campo'];

<form method="GET" action="paxina2.php">
<input type="checkbox" name="nome_campo" value="valor"> SI/NON
</form>

 if (is_set($_GET['nome_campo']))
           echo $_GET['nome_campo'];

<form method="GET" action="paxina2.php">
<select name="lista" size="1">
<option value="valor1">Opcion 1</option>
<option value="valor2">Opcion 2</option>
<option value="valor3">Opcion 3</option>
</select>
</form>

 echo $_GET['lista'];

En PHP dispoñemos de dúas matrices superglobales que son $_GET e $_POST, que conteñen os datos enviados dende un formulario segundo o método empregado fose GET ou POST. Polo tanto se o método foi GET os datos enviados dende o formulario estarán na matriz $_GET e se o método foi POST os datos estarán na matriz $_POST. Hai que ter en conta que hai unha terceira matriz que é $_REQUEST que contén os datos, foran estos enviados por GET ou por POST, pero o seu emprego non se recomenda por razóns de seguridade.

Dado que son matrices, para acceder aos datos dun campo concreto do formulario, empregaremos $_GET['nome_campo'] ou $_POST['nome_campo'] onde nome_campo e o atributo name do campo en HTML.

<form method="GET" action="paxina2.php">
<input type="text" name="nome">
</form>

echo $_GET['nome']; //Imprime o valor que o usuario escribise no campo nome do formulario anterior

As etiquetas HTML para crear campos dentro dos formularios, que nos server para enviar distintos tipos de información, son as seguintes:

<input type="text" name="nome" size="10" maxlength="7" value="valor inicial" />

<input type="password" name="nome" size="10" maxlength="7" value="valor inicial" />

<input type="hidden" name="nome" value="valor inicial" />

<input type="radio" name="nome" value="valor 1" /> Opción 1
<input type="radio" name="nome" value="valor 2" /> Opción 2
<input type="radio" name="nome" value="valor 3" /> Opción 3

<input type="checkbox" name="nome" value="valor" /> SI/NON

<input type="file" name="nome" size="50" value="" />

<input type="submit" name="nome" size="50" value="Texto do botón" />

<input type="reset" name="nome" size="50" value="Texto do botón" />

<textarea name="nome" cols="50" rows="5">Contido da area de texto</textarea>

<select name="nome" size="1">
<option value=""></option>
<option value="valor1">Opcion 1</option>
<option value="valor2">Opcion 2</option>
<option value="valor3">Opcion 3</option>
</select>

Para poder enviar información ao servidor web, e necesario ter un formulario HTML dende onde se envía a información ao servidor. Para definir un formulario en HTML hai que empregar a etiqueta <form>que indica o comezo e final do formulario. Todo o contido no seu interior será enviado ao servidor web cando se envíe o formulario (cando se faga submit do formulario). A etiqueta <form> ten dous atributos necesarios:

<form method="POST" action="paxina2.php">
 ....
</form>

Temos que ter en conta a hora de empregar un método ou outro as características de cada un deles: