En PHP podemos acceder os ficheiros situados no ordenador que ten o servidor web. Para elo, normalmente, o primeiro que teremos que facer é abrir o arquivo coa función fopen indicando o nome do ficheiro e o modo no que abrimos ese ficheiro. Os modos dispoñibles son os seguintes:

$id = fopen("ficheiro.txt","r+");
  • r: O ficheiro ábrese para ler, situando o punteiro de lectura ao comezo do ficheiro. Se o ficheiro non existe prodúcese un warning (e evidentemente non se crea o ficheiro).
  • r+: O ficheiro ábrese para ler e escribir, situando o punteiro de lectura/escritura ao comezo do ficheiro. Se o ficheiro non existe prodúcese un warning (e evidentemente non se crea o ficheiro).
  • w: O ficheiro ábrese para escribir, situando o punteiro de escritura ao comezo do ficheiro. Se o ficheiro non existe crease un novo baleiro, e se existe truncase o seu tamaño a cero (e dicir, baleirase, ou visto doutro xeito, é como se se borrase e se volvese a crear baleiro). Polo tanto os datos que haxa no seu interior pérdense.
  • w+: O ficheiro ábrese para escribir e ler, situando o punteiro de escritura/lectura ao comezo do ficheiro. Se o ficheiro non existe crease un novo baleiro, e se existe truncase o seu tamaño a cero (e dicir, baleirase, ou visto doutro xeito, é como se se borrase e se volvese a crear baleiro). Polo tanto os datos que haxa no seu interior pérdense.
  • a: O ficheiro ábrese para engadir (escribir), situando o punteiro de escritura ao final do ficheiro. Se o ficheiro non existe crease un novo baleiro.
  • a+: O ficheiro ábrese para engadir (escribir) e ler, situando o punteiro de escritura/lectura ao final do ficheiro. Se o ficheiro non existe crease un novo baleiro.
  • x: O ficheiro ábrese para escribir, situando o punteiro de escritura ao comezo do ficheiro. Se o ficheiro existe prodúcese un warning. E dicir, para empregar este modo o ficheiro non debe existir, e crease un novo e situase o punteiro de escritura ao seu comezo.
  • x+: O ficheiro ábrese para escribir e ler, situando o punteiro de escritura/lectura ao comezo do ficheiro. Se o ficheiro existe prodúcese un warning. E dicir, para empregar este modo o ficheiro non debe existir, e crease un novo e situase o punteiro de escritura/lectura ao seu comezo.